Мира Балчирбай ТывКУ-да башкылавышаан, барык 15 чыл дургузунда спортчу туризмни регионда сайзырадып чоруур. Ол – «Тыва Республикада спортчу туризм федерациязының» удуртукчузу.Мира Балчирбай – хөй-хөй спортчу хемчеглерниң эгелекчизи болгаш куратору. Аныяк башкы даг, суг турисчи походтарын организаставышаан, «АРТ» студентилерниң турисчи клувун удуртуп турар. Ол ышкаш Мира Васильевна спортчу секцияларны эрттирип, өөредилге биле спортту каттыштырып чоруур.2025 чылда «Баштайгылар шимээшкининиң» деткимчези-биле «Спортчу туризмниң школа лигазы «Бедиктер кырынче» деп төлевилелди республикада боттандырып эгелээн. Ооң кол сорулгазы – школачыларны кадык амыдыралче эвилелдээри.Аныяк башкының удуртулгазы-биле дыка хөй школачылар спортчу туризмче хаара туттунган болгаш янзы-бүрү походтарже башкызы-биле изиг күзелдии-биле үнүп турарлар.
